Moti në këtë fund javë në Kosovë do të jetë i nxehtë dhe për një javë nuk do të ketë reshje shiu.

Eksperti i meteorologjisë, Sylë Tahirsylaj, tha se ndryshimet klimatike në Kosovë janë sikur edhe në vendet e tjera.

“Kjo është në situatë që do të tejkalohet. Por kjo sjellë edhe ndryshime tek rendimentet, pasi që nuk ka kushte për t’i tharë të mbjellurat”, tha ai sot në emisionin e mëngjesit “Mirëmëngjesi Kosovë”, në Radio Televizionin e Kosovës (RTK).

Sipas tij këtë vit më së miri ka pasur elemente pozitive tek misri. “Këtë vit misri në Kosovë, është sikur në Kaliforni. Ky vit është i dëmshëm është për grurin, për dredhëzën, për mjedrën”, tha ai.

Sipas tij vërshimet mund të kishin pasoja tek Gryka e Kaçanikut etj, por këtë vit fatmirësisht edhe atje nuk kishte pasoja. Ai tha se klima nuk ka atdhe.

“Vera do të jetë e më vonshme. Në gusht do të shkojnë deri në 35 gradë celsius”, tha ai. Tahirsylaj, vlerësoi se edhe degradimi i pyjeve po sjellë pasoja të rënda. “Në grykën e Deçanit po ashtu edhe në Pejë është situatë rënd, prerja e pyjeve sjellë edhe vërshime në Kosovë”, deklaroi ai./rtklive